"თუ ფოთის აეროპორტიდან ანაკლიაში გავიყვანთ გზას, ტურისტული ბუმი დაიწყება", _ განაცხადა საქართველოს პრეზიდენტმა მიხეილ სააკაშვილმა ეკონომიკისა და მდგრადი განვითარების და რეგიონალური განვითარების სამინისტროების გაერთიანებულ სხდომაზე.
საქართველოს პრეზიდენტმა განაცხადა, რომ ფოთის აეროპორტი მოემსახურება ასევე მესტიას.
"ბათუმისა და ფოთის აეროპორტი სწორედ ის არის, რაც თავის დროზე იყო სოხუმის აეროპორტი, იმ კუთხით, რომ ასაფრენი ზოლი სწორად არის გავლებული. თუ ფოთის აეროპორტიდან ანაკლიაში გავიყვანთ გზას, დაიწყება ტურისტული ბუმი. ფაქტობრივად, ეს ჭაობში გასაკეთებელი გზაა, მაგრამ ეს ანაკლიას ძალიან მნიშვნელოვან კურორტად აქცევს", _ განაცხადა სააკაშვილმა.
