ესპანელი რეჟისორის, პედრო ალმოდოვარის მოკლემეტრაჟიანი ფილმის, The Human Voice-ის კიდევ ერთი ტრეილერი გამოვიდა.
ფილმი ჟან კოქტოს ამავე სახელწოდების სიურეალისტური პიესის მიხედვით შეიქმნა. მთავარ როლს ბრიტანელი მსახიობი ტილდა სუინტონი ასრულებს.
სიუეჟეტი მოგვითხრობს ქალზე, რომელიც შეყვარებულმა მიატოვა. სუინტონის პერსონაჟი რეალობის გაცნობიერებას ვერ ახერხებს და წარმოსახვაში ყოფილ საყვარელს ელაპარაკება.
The Human Voice პანდემიის დროს, ზუსტად 9 დღეში მადრიდში გადაიღეს და პირველად ვენეციის კინოფესტივალზე წარადგინეს, სადაც კრიტიკოსთა მოწონება დაიმსახურა.
ფილმის კინოეკრანებზე გამოსვლის თარიღი ჯერჯერობით უცნობია.
The Human Voice პედრო ალმოდოვარის პირველი ინგლისურენოვანი ფილმია.