მოვუწოდებთ მომდევნო პარლამენტს, რომ სასამართლო რეფორმა ადრეულ პრიორიტეტად დასახონ. განაცხადა საქართველოში შეერთებული შტატების ელჩმა კელი დეგნანმა კოალიცია"დამოუკიდებელი და გამჭვირვალე მართლმსაჯულებისთვის" წარმომადგენლებთან შეხვედრისას. ინფორმაციას საელჩო ავრცელებს.
ამერიკის საელჩოს ცნობით, ამერიკის მთავრობა ამაყობს, რომ რეფორმის პროცესის გასაგრძელებლად ბევრ ორგანიზაციასთან თანამშრომლობს.
"ჩვენ მოვუწოდებთ მომდევნო პარლამენტს, რომ სასამართლო რეფორმა ადრეულ პრიორიტეტად დასახონ და გააგრძელონ საქართველოს მიერ დღემდე გადადგმული მნიშვნელოვანი ნაბიჯები", თქვა ელჩმა დეგნანმა.
"ვინაიდან ჭეშმარიტად დამოუკიდებელი, გამჭვირვალე და ანგარიშვალდებული სასამართლო ყველა ჯანსაღი დემოკრატიის ფუნდამენტია, აშშ-ის საელჩო მჭიდროდ თანამშრომლობს საქართველოსთან სასამართლო რეფორმის გასაგრძელებლად.
დღეს ელჩი დეგნანი კოალიცია „დამოუკიდებელი და გამჭვირვალე მართლმსაჯულებისთვის" წარმომადგენლებს შეხვდა. USAID-ის პარტნიორი სამოქალაქო საზოგადოების ეს ორგანიზაცია მნიშვნელოვან როლს ასრულებს რეფორმის მხარდაჭერაში. იმისათვის, რომ საქართველოს ყველა მოქალაქისთვის მართლმსაჯულება თანაბრად იყოს ხელმისაწვდომი, მეტი საქმეა გასაკეთებელი.
ამერიკის მთავრობა ამაყობს, რომ რეფორმის პროცესის გასაგრძელებლად ამ და ბევრ სხვა ორგანიზაციასთან თანამშრომლობს", - ვკითხულობთ საელჩოს მიერ გავრცელებულ განცხადებაში.