ეროვნული ბიბლიოთეკის თანამშრომელს კორონავირუსი დაუდასტურდა. ინფორმაციას ეროვნული ბიბლიოთეკის დირექტორი, გიორგი კეკელიძე ავრცელებს.
მისი განცხადებით, ბიბლიოთეკა წესების ზედმიწევნით დაცვით მუშაობდა და ინფიცირებულის კონტაქტ-ჯგუფი, სავარაუდოდ, ფართო არ არის.
"ეროვნული ბიბლიოთეკის თანამშრომელს კორონავირუსი დაუდასტურდა. ეროვნული ბიბლიოთეკა, ჯანდაცვის უწყებებთან და მსოფლიოს საუკეთესო ბიბლოთეკებთან კოორდინაციით, მუშაობდა ვიწრო კლასტერული პრინციპით, წესების ზედმიწევნით დაცვით და ინფიცირებულის კონტაქტ-ჯგუფი, სავარაუდოდ, ფართო არ არის - მით უფრო პიროვნება რამდენიმე დღეა რაც თვითიზოლაციაში იმყოფება. შესაბამისად ეროვნული ბიბლიოთეკა ჯერჯერობით დაწესებული, ძალიან შეზღუდული სამუშაო განრიგით აგრძელებს მუშაობას. ჩვენს ძვირფას თანამშრომელს კი მალე გამოჯანრთელობას ვუსურვებთ", - წერს გიორგი კეკელიძე.
შეგახსენებთ, დღეს საქართველოში, კორონავირუსის 887 ახალი შემთხვევა გამოვლინდა.
