ეს პიკი არ არის, ანუ შემთხვევათა ზრდა კვლავ გვექნება. განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ "ფორმულას" ეთერში.
"მეორე ტალღა რომ იქნებოდა ეს პროგნოზირებადი იყო. ის, რომ ჩვენ გარკვეულად შემთხვევათა ზრდა გვექნებოდა ზაფხულის შემდეგ და ეს დაიწყებოდა აჭარის რეგიონიდან, გამომდინარე ძალიან ბევრი ფაქტორიდან, ესეც პროგნოზირებადი იყო. თუმცა რასაც მეკითხებით, არის თუ არა ეს პიკი, მე გეტყვით, რომ ეს პიკი არ არის. ანუ შემთხვევათა ზრდა კვლავ გვექნება", - განაცხადა გამყრელიძემ.
საქართველოში ბოლო 24 საათში კორონავირუსით ინფიცირების რეკორდული, 919 ახალი შემთხვევა გამოვლინდა.
