19 რიცხვიდან, აჭარაში, საზოგადოებრივი ტრანსპორტი, მათ შორის საქალქათაშორისო ტრანსპორტი გაიხსნება, - ამის შესახებ საქართველოს პრემიერ-მინისტრმა გიორგი გახარიამ, მთავრობის სხდომის დასრულების შემდეგ, მთავრობის ადმინისტრაციაში გამართულ ბრიფინგზე განაცხადა.
მისივე თქმით, აჭარაში, სასწავლო პროცესზე შეზღუდვები დარჩება, ისევე, როგორც რესტორნების და გასართობი დაწესებულებების შეზღუდვები აჭარისთვის გაგრძელდება.
„აჭარაში, ბოლო პერიოდის განმავლობაში, ვირუსის გავრცლების მეტ-ნაკლები სტაბილიზაცია მოხდა. ამიტომ, ჩვენ მივიღეთ გადაწყვეტილება, ყველაფერთან ერთად, რომ 19 რიცხვიდან, აჭარაში, საზოგადოებრივი ტრანსპორტი, მათ შორის საქალქათაშორისო ტრანსპორტი გაიხსნება.
გარდა ამისა, აჭარაში, სასწავლო პროცესზე შეზღუდვები დარჩება, ისევე, როგორც რესტორნების და გასართობი დაწესებულებების შეზღუდვები აჭარისთვის გაგრძელდება“, - განაცხადა გიორგი გახარიამ.
