შშ-ის პრეზიდენტის უმცროს შვილს, 14 წლის ბარონ ტრამპს კორონავირუსი დაუდასტურდა. ინფორმაცია ამის შეახებ აშშ-ის პირველმა ლედიმ, მელანია ტრამპმა გაავრცელა.

აშშ-ის პირველმა ლედიმ აღნიშნა, რომ კორონავირუსზე ტესტი ჩააბარა, რომლის პასუხი უარყოფითი აღმოჩნდა.

„თავდაპირველად, კორონავირუსზე მისი ტესტის პასუხი უარყოფითი იყო, თუმცა შემდეგი ტესტის პასუხი დადებითი აღმოჩნდა. აღსანიშნავია, რომ მას სიმპტომები არ ჰქონდა“, - განაცხადა მელანია ტრამპმა.

მისივე თქმით, ბარონ ტრამპის ბოლო ტესტის პასუხი უარყოფითი იყო.

13 ოქტომბერს აშშ-ის პრეზიდენტის ექიმმა, შონ კონლიმ განაცხადა, რომ ბოლო რამდენიმე დღის განმავლობაში, დონალდ ტრამპის კორონავირუსზე ტესტის პასუხი უარყოფითი იყო. 6 ოქტომბერს საავადმყოფოში 3-დღიანი მკურნალობის შემდეგ აშშ-ის პრეზიდენტი, რომელსაც კორონავირუსი დაუდასტურდა, თეთრ სახლში დაბრუნდა.

11 ოქტომბერს აშშ-ის პრეზიდენტის ექიმმა, შონ კონლიმ განაცხადა, რომ დონალდ ტრამპი კორონავირუსის გავრცელების რისკს აღარ წარმოადგენს და მას შეუძლია, იზოლაცია დაასრულოს.

დონალდ ტრამპი ამჟამად თავს კარგად გრძნობს, ის თავდაპირველად კლინიკაში გადაიყვანეს სამკურნალოდ, შემდეგ კი ისევ თეთრ სახლში დააბრუნეს.