მარგვეთისა და უბისის ეპისკოპოსის მეუფე მელქისედეკის თქმით, მისთვის მიუღებელია ის ფაქტი, რომ თვითონ, როგორც წმინდა სინოდის წევრმა დავით გარეჯთან დაკავშირებულ მოვლენებზე არაფერი იცის, რიგითი მღვდლისგან განსხვავებით, რომელიც ამ საკითხებზე საუბრობს.
მეუფე მელქისედეკი კარტოგრაფების, ივერი მელაშვილისა და ნატალია ილიჩოვას დაკავებასაც გამოეხმაურა და მათ ბოდიში მოუხადა.
"მე მართლა ბოდიშს ვუხდი ამ ხალხს, ამ ორ ადამიანს ასეთი დამოკიდებულების გამო. მე ვერ გავერკვიე რა ხდება, ამიტომ მე იმას ვამბობ, რომ მაგალითად, როდესაც წმინდა სინოდის წევრმა, არ ვიცი, რა ხდება, ამავდროულად საქართველოს ეკლესიის რიგითი სასულიერო პირი, რიგითი მღვდელი საუბრობს ამ თემებზე, ჩემთვის ეს მიუღებელია. ვინაიდან 2014-ში ეს ყველაფერი იცოდნენ, 6 წლის განმავლობაში რატომ დუმდნენ არ ვიცი, მაგრამ ფაქტია, რომ 6 წელია იცოდნენ თუ რამე იცოდნენ, მე ვერ გავიგე რა არის ამ რუქებში", - განაცხადა მეუფე მელქისედეკმა.
