ამბროსი ხელაიას შემდეგ დამოუკიდებელი, ეროვნული და სახელმწიფოებრივად მოაზროვნე პატრიარქი არ გვყოლია. ამის შესახებ მეუფე პეტრე ცაავამ ტელეკომპანია "ფორმულას" ეთერში, დავით გარეჯის ირგვლივ მიმდინარე მოვლენებზე საუბრისას განაცხადა.
"ჩვენ, ამბროსი ხელაიას შემდეგ ჩვენ დამოუკიდებელი, ეროვნული და სახელმწიფოებრივად მოაზროვნე პატრიარქი არ გვყოლია და მმართველობა საეკლესიო.
ფაქტობრივად, წმინდა ამბროსი ხელაიას შემდეგ, ეკლესია გახდა მოთანამშრომლე საბჭოთა ხელისუფლებასთან. ისინი პირდაპირ თანამშრომლობდენ, დისკომფორტი ჰქონდათ უარყოფილი, ისინი ძალიან კომფორტულად გრძნობდნენ თავს და ჩვენ გვყავს საბჭოთა იერარქია, მათ შორის კათოლიკოს-პატრიარქის სახით.
დღემდე თუ, საბჭოთა მემკვიდრეობის, რუსეთის ფედერაციის მთავარ ამოცანას წარმოადგენს საბჭოთა კავშირის აღდგენა და მთავარ ტრაგედიას წარმოადგენს საბჭოთა კავშირის დაშლა, რა თქმა უნდა, არაერთხელ მოგვისმენია განცხადებები, რომ რუსეთი აკონტროლებდა და აკონტროლებს კავკასიას.
მე ამას დავუპირისპირებდი რასაც ჩვენი პოლიტარქი [პატრიარქი], უპრინციპოდ, ვერასდროს ვერ ამაღლდა ამ დონეზე, თქვას, რომ სანამ, ამბროსი ხელაიას სიტყვების თანახმად, სანამ მცირე ერების მჩაგვრელი რუსეთი არ დატოვებს კავკასიას და საქართველოს არ დატოვებს, მანამდე მშვიდობა არ იქნება კავკასიაში", - განაცხადა მეუფე პეტრემ.
