ბელარუსის ოპოზიციის ლიდერმა, სვიატლანა ციხანოვსკაიამ ბელარუსის მოქმედ პრეზიდენტს, ალიაქსანდრ ლუკაშენკოს გადადგომის მოთხოვნით ულტიმატუმი წაუყენა. ამის შესახებ ოპოზიციონერი ლიდერის "ტელეგრამის" არხზე განაცხადა.
ციხანოვსკაიას განცხადებით, ლუკაშენკამ გადადგომის შესახებ 25 ოქტომბრამდე უნდა განაცხადოს, წინააღმდეგ შემთხვევაში ქვეყანაში ეროვნული გაფიცვა დაიწყება.
"2-თვიანი ძალადობის, პოლიტიკური კრიზის და უსამართლობის მერე ჩვენ ვაპირებთ 25 ოქტომბერს წამოვაყენოთ ულტიმატუმი და მოვითხოვოთ სამი ძირითადი რამ:
1. ლუკაშენკამ უნდა დატოვოს ოფიციალურად თავისი თანამდებობა
2. უნდა შეწყდეს ყველა სახის ძალადობა ქუჩებში დემონსტრანტების მიმართ
3. პოლიტპატიმრები უნდა გათავისუფლდნენ.
რეჟიმს აქვს 13 დღე ამ მოთხოვნების შესრულებამდე", - წერს სვიატლანა ციხანოვსკაია.
ალიაქსანდრ ლუკაშენკას ადმინისტრაცია ულტიმატუმს ამ დრომდე არ გამოხმაურებია.
ფოტო: TASS
