2020 წლის შიმშილის გლობალური ინდექსით საქართველო 107 ქვეყანას შორის 26-ე ადგილს იკავებს. ამის შესახენ შიმშილის გლობალური ინდექსის ახალ კვლევაშია ნათქვამი.
კვლევაში ნათქვამია, რომ 2000 წლის შემდეგ, მსოფლიოში მოშიმშილეთა რაოდენობის კლება შეინიშნება, თუმცა ამის მიუხედავად, შიმშილობა კვლავინდებურად ტანჯავს მილიონობით ადამიანს.
კვლევის მიხედვით, საქართველოს 6.1 ქულა აქვს, რაც მას შიმშილის დაბალი დონის ქვეყნებს შორის აქცევს. ამ მონაცემებით, საქართველო ჩამორჩება რუსეთს, ყაზახეთს, აზერბაიჯანსა და ბულგარეთს.
განსაკუთრებით საგანგაშო მდგომარეობაა ჩადში, აღმოსავლეთ ტიმორსა და მადაგასკარზე. ვითარება საგანგაშოდ ითვლება ასევე ბურუნდიში, ცენტრალური აფრიკის რესპუბლიკაში, კონგოს დემოკრატიულ რესპუბლიკაში, სომალიში, სამხრეთ სუდანში, სირიასა და იემენში.
