თბილისის შიდსისა და ინფექციური პათოლოგიების ცენტრის ბოქსირებული განყოფილების ხელმძღვანელის, მარინა ენდელაძის განცხადებით, შესაძლოა, თბილისში დაწესებული ზომები გამკაცრდეს, "თუ ასეთი მატება იქნება".
"ეს ჩემი გადასაწყვეტი არ არის, მაგრამ შესაძლებელია, თუ ასეთი მატება იქნება. ჩვენ ვხედავთ, რომ ზუსტად პირველ სექტემბრამდე გამკაცრებული ზომების პირობებში მატება თითქმის არ გვქონდა, ძალიან მცირე იყო, ახლა მატება არის. შესაბამისად, შეიძლება მთავრობამ გადაწყვიტოს ამის შესახებ. ეს ჩემი გადასაწყვეტი საკითხი არ არის", - განაცხადა ენდელაძემ.
შეგახსენებთ, დღეს საქართველოში კორონავირუსის ახალი 523 შემთხვევა გამოვლინდა, მათ შორის 194 თბილისში, 172 აჭარაში. გარდაიცვალა 7 პაციენტი. გამოჯანმრთელდა 208 პაციენტი.
