ფართომასშტაბიანი შეზღუდვები არამარტო თბილისში, არამედ არსად საქართველოში არ იგეგმება, შეიძლება იყოს წერტილოვანი შეზღუდვები . ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.
მისი თქმით, ზოგადად პოლიტიკა მართვისა კორონავირუსული ინფექციისა გაზაფხულის შემდეგ შეიცვალა.
"გაზაფხულზე, რადგან ჩვენც ნაკლები ვიცოდით ამ ვირუსის ქცევის შესახებ და ძირითადად ყველა ქვეყანა იყენებდა ძლიერ შემზღუდავ ღონისძიებებს.
დღეს ჩვენ გავითავისეთ, რომ კორონავირუსულ ინფექციას ერთ და ორ დღში ვერ გავაქრობთ, ვერც ორ თვეში და შესაძლოა ვერც ერთ წელიწადში. ამიტომ უნდა ვისწავლოთ თანაცხოვრება კორონავირუსთან ერთად, ამიტომ ფართომასშტაბიანი შემზღუდავი ღონისძიებები არ იგეგმება არათუ ლაითურში და გურიაში, არამედ თბილისში. მაგრამ იქ სადაც საჭირო იქნება ეგრეთწოდებული წერტილოვანი ასე ვთქვათ დარტყმების და წერტილოვანი შეზღუდვების როგორიც არის მაგალითად კლასი, სკოლაში გაჩნდა ერთი ბავშვი ინფიცირებული რათქმაუნდა კლასი დროებით შეწყვეტს სწავლას და გადავლენ თვითიზოლაციაში . ან თუ ვთქვათ სკოლაში იქნა რამოდენიმე შემთხვევა შეიძლება დაისვას საკითხი იმ სკოლაში, მაგრამ არა მთლიანად სწავლის. ასეთი ტიპის შეზღუდვები შესაძლებელია.მაგრამ არ იგეგმება დიდი, ფართომასშტაბიანი შეზღუდვები, მათ შორის დედაქალაქში. ჩვენ უნდა ვმართოთ პროცესი ერთად სახელმწიფომ, ჩვენ ექიმებმა, დამსაქმებლებმა და თქვენ საზოგადოებამ. ჩვენ ერთმანეთს ხელი უნდა შევუწყოთ, რომ პროცესი ვმართოთ, ეკონომიკა განვითარდეს", - განაცხადა გამყრელიძემ.
