"ეს თვალნათელია ხელისუფლების რეიტინგთან დაკავშირებით, რაც ჩვენს მოძრაობას აკისრებს კიდევ უფრო მეტ პასუხისმგებლობას ქართველი ამომრჩევლის წინაშე", _ განაცხადა წიკლაურმა.

მისივე თქმით, ასევე მნიშვნელოვანია ოპოზიციის კონსტრუქციული ნაწილის მიმართ გაზრდილი ნდობა.

"ძალიან მნიშვნელოვანია, რომ დღეს გამოკითხულთა 50 %-ზე მეტს უკვე გადაწყვეტილი აქვს, რომ დღეს რომ იყოს არჩევნები ის აუცილებლად მივიდოდა საარჩევნო ყუთთან. აგრეთვე მნიშვნელოვანი არის საკონსტიტუციო პროექტის მიმართ გამოთქმული დადებითი დამოკიდებულება", _ აცხადებს წიკლაური.

შეგახსენებთ, რომ " Greenberg Quinlan Rosner "-მა საქართველოში ახალი კვლევები ჩაატარა. გავლენიანმა საზოგადოებრივი შემსწავლელმა ამერიკულმა კომპანიამ სექტემბერსა და ოქტომბერში მთელი ქვეყნის მასშტაბით 1 200 ინტერვიუერი გამოკითხა. კვლევა პოლიტიკურ და სოციალურ საკითხებს ეხებოდა.
1 200 ადამიანს დაუსვეს რამდენიმე შეკითხვა: კითხვა I - ეთანხმებით თუ არა სააკაშვილისა და ნაციონალური მოძრაობის მიმართულებას - 67 % ამ მიმართულებას ეთანხმება, ხოლო 28 % არ ეთანხმება. კითხვა II - გაუმჯობესდა თუ არა სააკაშვილის დროს დასაქმების მაჩვენებელი - 83 % მიიჩნევს, რომ დასაქმების მაჩვენებელი სააკაშვილის დროს გაუმჯობესდა და ეს არის ყველაზე მაღალი მაჩვენებელი 2004 წლის შემდეგ, ხოლო 15 % მიიჩნევს, რომ დასაქმების მაჩვენებელი არ გაუმჯობესებულა. კითხვა III - როგორ ვითარდება ქვეყნის მიმართულება - 58 % მიიჩნევს, რომ ქვეყნის მიმართულება ვიტარდება სწორი გზით, ხოლო 26 % მიიჩნევს, რომ ქვეყანა არასწორი მიმართულებით ვითარდება. კითხვა IV - ეთანხმებით თუ არა საკონსტიტუციო რეფორმას - რეფორმას გამოკითხული ადამიანების 50 % ეთანხმება, ხოლო 16 % არა.
გამოკითხულებს ასევე სთხოვეს დაესახელებინათ არსებული ლიდერებიდან რამდენიმე და შედეგები შემდეგნაირად გამოიყურება: გიორგი თარგამაძე 47 %, ირაკლი ალასანია 40 %, შალვა ნათელაშვილი 33 %, კახა შარტავა 11 %, ლევან გაჩეჩილაზე 9 % და გოგი თოფაძე 8 %.

რესპოდენტებისათვის დასმული კიდეც ერთი კითხვა იყო ასეთი: - "ეთანხმებით თუ არა გიგი უგულავას დასაქმების პოლიტიკას" _ შედეგების მიხედვით ამ პოლიტიკას ეთანხმება 75 %, ხოლო არ ეთანხმება 21 %.