"ეს არის კიდევ ერთხელ მაღალი ნდობის გამოცხადება ჩვენს მიმართ, თუმცა ეს ნდობა გულისხმობს იმას, რომ არის მაღალი პასუხისმგებლობა, _ აცხადებს პარლამენტის საგარეო ურთიერთობათა კომიტეტის თავმჯდომარე აკაკი მინაშვილი " Greenberg Quinlan Rosner "-ის მიერ საქართველოში ჩატარებული გამოკითხვის კომენტირებისას.
მისი თქმით, მუშაობა უნდა გაგრძელდეს, რათა დაიძლიოს ქვეყჰნის წინაშე არსებული გამოწვევები.
"ჩვენ უნდა გავაგრძელოთ იმ მიმართულებით მუშაობა რაც მიმართულებითაც ვმუშაობთ და უნდა დავძლიოთ ის გამოწვევები რაც ქვეყანას გააჩნია, მათ შორის დასაქმებასთან დაკავშირებით. ეს ნიშნავს კიდევ ერთხელ იმას, რომ ძალიან ბევრია გასაკეთებელი", _ ჰანაცხადა მინაშვილმა.
შეგახსენებთ, რომ " Greenberg Quinlan Rosner "-მა საქართველოში ახალი კვლევები ჩაატარა. გავლენიანმა საზოგადოებრივი შემსწავლელმა ამერიკულმა კომპანიამ სექტემბერსა და ოქტომბერში მთელი ქვეყნის მასშტაბით 1 200 ინტერვიუერი გამოკითხა. კვლევა პოლიტიკურ და სოციალურ საკითხებს ეხებოდა.
1 200 ადამიანს დაუსვეს რამდენიმე შეკითხვა: კითხვა I - ეთანხმებით თუ არა სააკაშვილისა და ნაციონალური მოძრაობის მიმართულებას - 67 % ამ მიმართულებას ეთანხმება, ხოლო 28 % არ ეთანხმება. კითხვა II - გაუმჯობესდა თუ არა სააკაშვილის დროს დასაქმების მაჩვენებელი - 83 % მიიჩნევს, რომ დასაქმების მაჩვენებელი სააკაშვილის დროს გაუმჯობესდა და ეს არის ყველაზე მაღალი მაჩვენებელი 2004 წლის შემდეგ, ხოლო 15 % მიიჩნევს, რომ დასაქმების მაჩვენებელი არ გაუმჯობესებულა. კითხვა III - როგორ ვითარდება ქვეყნის მიმართულება - 58 % მიიჩნევს, რომ ქვეყნის მიმართულება ვიტარდება სწორი გზით, ხოლო 26 % მიიჩნევს, რომ ქვეყანა არასწორი მიმართულებით ვითარდება. კითხვა IV - ეთანხმებით თუ არა საკონსტიტუციო რეფორმას - რეფორმას გამოკითხული ადამიანების 50 % ეთანხმება, ხოლო 16 % არა.
გამოკითხულებს ასევე სთხოვეს დაესახელებინათ არსებული ლიდერებიდან რამდენიმე და შედეგები შემდეგნაირად გამოიყურება: გიორგი თარგამაძე 47 %, ირაკლი ალასანია 40 %, შალვა ნათელაშვილი 33 %, კახა შარტავა 11 %, ლევან გაჩეჩილაზე 9 % და გოგი თოფაძე 8 %.
რესპოდენტებისათვის დასმული კიდეც ერთი კითხვა იყო ასეთი: - "ეთანხმებით თუ არა გიგი უგულავას დასაქმების პოლიტიკას" _ შედეგების მიხედვით ამ პოლიტიკას ეთანხმება 75 %, ხოლო არ ეთანხმება 21 %.
