შეერთებული შტატების პრეზიდენტმა, დონალდ ტრამპმა, 3-დღიანი მკურნალობის შემდეგ, მერილენდის შტატში არსებული უოლტერ რიდის სამხედრო-სამედიცინო ჰოსპიტალი დატოვა და თეთრ სახლში ვერტმფრენით დაბრუნდა.
თეთრი სახლის კიბეებზე ასვლისას, ტრამპმა ნიღაბი მოიხსნა და ფოტოგრაფებს მისი გადაღების საშუალება მისცა.
დაავადებათა კონტროლისა და პრევენციის ცენტრის (CDC) რეკომენდაციების შესაბამისად, ტრამპმა უნდა დაიცვას იზოლაციის რეჟიმი დიაგნოზის დადგენიდან მინიმუმ 10 დღის განმავლობაში. პრეზიდენტის კორონავვირუსით ინფიცირების შესახებ ცნობილი 2 ოქტომბერს გახდა.
ტრამპის საარჩევნო შტაბის სპიკერმა უკვე გამოაცხადა, რომ ის მიიღებს მონაწილეობას შემდეგ დებატებში, რომელიც 15 ოქტომბერს არის დაგეგმილი.
მანამდე პრეზიდენტმა ტრამპმა "ტვიტერზე" დაწერა, რომ თავს კარგად გრძნობს.
"არ შეგეშინდეთ კოვიდის. ნუ მისცემთ მას უფლებას თქვენს ცხოვრებაზე დომინირების", - თქვა პრეზიდენტმა.
