სტოკჰოლმში ნობელის კვირეული დაიწყო. პირველი, ტრადიციის თანახმად, გამოცხადდა ფიზიოლოგიისა და მედიცინის დარგში პრემიის ლაურეატების ვინაობა.
ჯილდო გადაეცათ ჰარვი ალტერს, მაიკლ ჰაუტონს და ჩარლზ რაისს C ჰეპატიტის ვირუსის აღმოჩენისთვის.
ნობელის კომიტეტის განცხადებით, ეს მეცნიერები, თავიანთი ფასდაუდებელი აღმოჩენით, განუზომელ წვლილს შეიტანენ ამ დაავადების დამარცხებაში.
6 ოქტომბერს გამოცხადდება ნობელის პრემიის ლაურეატი ფიზიკაში, 7 ოქტომბერს - ქიმიაში, 8 ოქტომბერს - ლიტერატურაში.
9 ოქტომბერს ნორვეგიის დედაქალაქ ოსლოში ცნობილი გახდება ნობელიის პრემიის ლაურეატი მშვიდობის დარგში.
12 ოქტომბერს შევიტყობთ თუ ვინ გახდება პრემიის ლაურეატი ეკონომიკის დარგში, რომელიც შვედეთის ბანკმა დააწესა.
წელს კორონავირუსის პანდემიის გამო ნობელის პრემიის დაჯილდოების ცერემონია ონლაინ ფორმატში მიმდინარეობს.
