გრიპის სეზონის დროს სიცხიანი ადამიანები გაიტესტებიან როგორც კოვიდზე, ასევე გრიპზე, აღნიშნულის შესახებ განცხადებას დაავადებათა კონტროლის ეროვნული ცენტრის ხელმძღვანელი ამირან გამყრელიძე აკეთებს.
მისი განმარტებით, ძალიან დიდი მნიშვნელობა აქვს გრიპის სეზონის თანდართვის დროს მდგომარეობის სწორად მართვას.
"მოვუწოდებთ ჩვენ კლინიკებს, სამედიცინო დაწესებულებებს, სასურველი იქნება, რომ გრიპის სწრაფი ტესტები გაორმაგდეს და გასამმაგდეს ანტიგენზე დამყარებული ტესტების შეძენა. გრიპის სეზონის დროს ყველა სიცხიანი ადამიანი დიფერენციალური დიაგნოტიკისთვის იქნეს გატესტილი ორივე ინფექციაზე, როგორც კოვიდზე, ისე გრიპზე, კიდევ სხვა ღონისძიებები შემუშავდება, რომელიც ამ სეზონისთვის იქნება გათვალისწინებული", - განაცხადა ამირან გამყრელიძემ.
