1-ლი ოქტომბრიდან, თბილისის მერიის მულტიფუნქციური ბიბლიოთეკების ფილიალები მუშაობას განაახლებს.
მომხმარებელთა საყურადღებოდ: ვაკის, ნაძალადევისა და ვარკეთილის მედიათეკები სრული დატვირთვითა და უცვლელი გრაფიკით იმუშავებს, ხოლო ბიბლიოთეკებიდან მხოლოდ წიგნის გატანა იქნება შესაძლებელი. შეცვლილია ბიბლიოთეკების სამუშო განრიგიც: ფილიალები იმუშავებს 10-დან 18 საათამდე. დასვენების დღეებია შაბათი და კვირა.
გაცნობებთ, რომ ბიბლიოთეკებისა და მედიათეკების ყველა წევრი, ასევე მომსახურე პერსონალი, ვალდებულია დაიცვას საქართველოს ჯანდაცვის სამინისტროს მიერ შემუშავებული რეკომენდაციები. შენობაში არ დაიშვება პირი, რომელიც ვერ გაივლის თერმოსკრინინგს ან აღენიშნება რესპირატორული ინფექციისთვის დამახასიათებელი სიმპტომები, არ დაიშვება პირი პირბადის გარეშე, შენობაში ყოფნისას ყველა ვალდებულია დაიცვას ორმეტრიანი დისტანცია, აკრძალულია ჯგუფური მუშაობა, აუცილებელია ხელების საპნით ხშირი დაბანა ან სადეზინფექციო ხსნარით დამუშავება.
1-ლი ოქტომბრიდან არ გაიხსნება მხოლოდ მე-9 (ჭავჭავაძის #24) და 25-ე ბიბლიოთეკები (ლილოს დასახლება), სადაც თბილისის მერია სარემონტო-სარეაბილიტაციო სამუშაოებს იწყებს.