ბოლო ერთი კვირის განმავლობაში მსოფლიოში კორონავირუსით ინფიცირების შემთხვევათა რაოდენობის რეკორდული ზრდა დაფიქსირდა. ინფორმაციას ჯანმრთელობის მსოფლიო ორგანიზაცია ავრცელებს.
ორგანიზაციის ინფორმაციით, 14-20 სექტემბრის პერიოდში მსოფლიოში კორონავირუსის 1 998 897 ახალი შემთხვევა გამოვლინდა, გარდაიცვალა 36 764 პაციენტი.
ინფიცირების დადასტურებული შემთხვევების რაოდენობა 6 პროცენტით გაიზარდა წინა კვირასთან (7-13 სექტემბერი) შედარებით. ამასთან, უნდა აღინიშნოს, რომ სიკვდილიანობა 10 პროცენტით არის შემცირებული.