შეერთებული შტატების პრეზიდენტის დონალდ ტრამპისთვის გაგზავნილ კონვერტში მომწამლავი ნივთიერება რიცინი აღმოაჩინეს. იტყობინება ტელეკომპანია CNN-ი.
გამოცემის ინფორმაციით, მომწამლავი ნივთიერება სამართალდამცავებმა პრეზიდენტის ფოსტის სავალდებულო შემოწმების დროს აღმოაჩინეს. შესაბამისად, კონვერტს თეთრ სახლამდე არ მიუღწევია.
ამ დროისთვის, სამართალდამცავები კონვერტის წარმომავლობას სწავლობენ. ცნობილია, რომ ის კანადიდან არის გაგზავნილი.
ტრამპის ადმინისტრაციას ოფიციალური კომენტარი მომხდართან დაკავშირებით ჯერ არ გაუკეთებია.
ფოტო: AP