რუსი ოპოზიციონერი და კრემლის ყველაზე მწვავე კრიტიკოსი ალექსეი ნავალნი, "ნოვიჩოკით" მოწამვლის შემდეგ სოციალურ ქსელ "ინსტაგრამზე" პირველ ფოტოსა და პოსტს აქვეყნებს.
"გამარჯობა, მე ნავალნი ვარ. მენატრებით. ჯერ კიდევ ბევრი რამ არ შემიძლია, მაგრამ გუშინ მთელი დღე თვითონ ვსუნთქავდი, მხოლოდ ჩემით. ყოველგვარი გარეშე დახმარების გარეშე. ყელში უბრალო ვენტილაციაც არ გამომიყენებია. ძალიან მომეწონა. საოცარი, ბევრისთვის შეუფასებელი პროცესია, გირჩევთ", - წერს ნავალნი.
ცოტა ხნის წინ ბერლინის კლინიკა "შარიტემ" გაავრცელა ინფორმაცია, რომ ნავალნის მდგომარეობა გაუმჯობესდა, ის ხელოვნური ვენტილაციის აპარატიდან მოხსნეს და საწოლიდან ადგომაც შეუძლია.
ალექსეი ნავალნი შეუძლოდ 20 აგვისტოს, ტომსკიდან მოსკოვის მიმართულებით ფრენის დროს, გახდა. თვითმფრინავმა საგანგებო დაშვება ომსკის აეროპორტში მოახდინა. ოპოზიციონერი კომატოზურ მდგომარეობაში ომსკის საავადმყოფოს რეანიმაციულ განყოფილებაში მოათავსეს. 22 აგვისტოს იგი გერმანიაში, ბერლინის "შარიტეს" კლინიკაში გადაიყვანეს სამკურნალოდ.
2 სექტემბერს გერმანიის ხელისუფლებამ განაცხადა, რომ ნავალნის ორგანიზმში აღმოჩენილია ქიმიური ნივთიერება "ნოვიჩოკი", რომელიც პირველად სერგეი სკრიპალისა და მისი ქალიშვილის მოწამვლის დროს გახდა ცნობილი, 2018 წლის მარტში.
რუსეთის ხელისუფლება მტკიცედ უარყოფს ნავალნის მოწამვლასთან რაიმე სახის კავშირს.
ნერვული აგენტი "ნოვიჩიკი" თავდაპირველად საბჭოთა ლაბორატორიებში შეიქმნა, მოგვიანებით იგი განავითარეს რუსმა მეცნიერებმა. საწამლავი ანადგურებს ადამიანის ნერვულ სისტემას.
