აშშ-ის დასავლეთ სანაპიროზე რეკორდული სიმძლავრის ტყის ხანძრები მძვინვარებს. არიან დაღუპულები.
კალიფორნიის შტატში ორ ათეულზე მეტი ტყის ხანძარია გაჩენილი. ხანძრების ფართობმა 2018 წლის რეკორდი მოხსნა, როდესაც ცეცხლმა 793 100 ჰექტარი მოიცვა.
ბიუთის ოლქში, შტატის ჩრდილოეთით სულ მცირე სამი ადამიანი დაიღუპა. საფრთხის ქვეშ აღმოჩნდა ათასობით სახლი.
ზოგიერთ რაიონში ევაკუაცია გამოცხადდა. ხანძარს 14 ათასამდე მეხანძრე ებრძვის.
ხანძარი ანომალიურმა სიცხემ გამოიწვია. აგვისტოს შუა რიცხვებში სიკვდილის ველის ეროვნულ პარკში თერმომეტრი 54 გრადუსს აჩვენებდა. მაღალმა ტემპერატურამ ხაზების გადატვირთვა გამოიწვია და ელექტრომომარაგება გაითიშა.
კალიფორნიის ტერიტორიის დიდ ნაწილზე მოქმედებს ხანძარსაშიში ამინდის შესახებ გაფრთხილების რეჟიმი.
