ფინანსთა მინისტრი კახა ბაინდურაშვილი ოპოზიციას ურჩევს, "სხვა ხარჯების" საკითხი დარგების მიხედვით გაარკვიოს. ამის შესახებ განცხადება ბაინდურაშვილმა საფინანსო-საბიუჯეტო კომიტეტის სხდომაზე 2011 წლის ბიუჯეტის პროექტის განხილვისას გააკეთა.
პროექტის თანახმად, სხვა ხარჯები საერთო ჯამში შეადგენს 900 მილიონს, რაც დაახლოებით 7-მილიარდიანი ბიუჯეტის 16 პროცენტს წარმოადგენს. ამასთან, ეს ხარჯები გაზრდილია როგორც 2010 წელთან შედარებით ასევე 1009 წელთან შედარებით.
ეს ფაქტი ოპოზიციამ გააპროტესტა. მათი განცხადებით, პრობლემას ქმნის ისიც, რომ ვერ ხერხდება იმის გარკვევა, რას გულისხმობენ სამინისტროები სხვა ხარჯებში და ეს თანხა რაში იხარჯება.
ბაინდურაშვილი მათ ურჩევს, ეს საკითხი კონკრეტულ სამინისტროებთან კონკრეტული სამინისტროს ბიუჯეტის განხილვისას გააკეთოს. ბაინდურაშვილი აღნიშნავს, რომ შესაძლოა ეს თანხა საერთო ჯამში იყოს დიდი, მაგრამ თითოეული სამინისტროსთვის დიდ თანხას არ წარმოადგენს.