ჯანმრთელობის მსოფლიო ორგანიზაციის გენერალურმა დირექტორმა, ტედროს ადჰანომ ღებრეიესუსმა განაცხადა, რომ მსოლფიო უკეთ უნდა მოემზადოს ახალი პანდემიისთვის. ამის შესახებ ღებრეიესუსმა ჟენევაში გამართულ ბრიფინგზე ისაუბრა.
ღებრეიესუსმა ასევე მოუწოდა სახელმწიფოებს, რომ უფრო მეტი ინვესტიცია განახორციელონ საზოგადოებრივი ჯანდაცვის სექტორში.
"ეს არ არის ბოლოს პანდემია [კორონავირუსის]. ისტორიამ გვასწავლა, რომ ეპიდემიები და პანდემიები ცხოვრებისეული მოვლენებია. მაგრამ როდესაც შემდეგი პანდემიის წინაშე აღმოვჩნდებით, მსოფლიო მას უკეთ მომზადებული უნდა დახვედეს, უკეთ უნდა იყოს მზად, ვიდრე ამ შემთხვევაში იყო", - განაცხადა ღებრეიესუსმა.
ბოლო მონაცემებით, მსოფლიოში კორონავირუსით ინფიცირების 27 მილიონზე მეტი შემთხვევაა აღრიცხული. გარდაიცვალა 888 326 პაციენტი.
ფოტო: Reuters