რომის პაპმა ფრანცისკემ მორწმუნეებს მოუწოდა თავი შეიკავონ ჭორაობისგან, რადგან მან შეიძლება დაყოს რომის კათოლიკური ეკლესია. ამის შესახებ პონტიფიკოსმა ვატიკანში, წმინდა პეტრეს მოედანზე ქადაგებისას განაცხადა.
მისი თქმით, ჭორაობა უფრო დიდი ჭირია, ვიდრე კორონავირუსი.
"დებო და ძმებო, ეცადეთ არ იჭორაოთ. ჭორაობა უფრო დიდი ჭირია, ვიდრე კორონავირუსი. ეშმაკი ყველაზე დიდი ჭორიკანაა. ის ყოველთვის ცუდს ამბობს სხვებზე, რადგან ის არის მატყუარა, რომელიც ცდილობს ეკლესიის გახლეჩას", - განაცხადა ფრანცისკემ.
რომის პაპი ხშირად გამოდის ჭორაობის წინააღმდეგ. ის ასევე დიდ საფრთხედ მიიჩნევს ინტერნეტ ტროლებისა და ბოტების საქმიანობას.
"თუ ვინმე შესცოდავს, ილოცეთ მათზე და არ იჭორაოთ", - დასძინა პონტიფიკოსმა.