მოერიდეთ სექსის დროს კოცნას და გეკეთოთ პირბადე, რათა თავიდან ავირიდოთ კორონავირუსით ინფიცირება და მინიმუმამდე დავიყვანოთ რისკები, - განაცხადა კანადის მთავარმა სამედიცინო ოფიცერმა, ტერეზა თამმა, იუწყება Reuters-ი.
დოქტორი თამის თქმით, სპერმით, ან ვაგინალური სითხით კორონავირუსის გადაცემის მინიმალური რისკია, მაგრამ სექსობრივი აქტივობა ზრდის ვირუსის გადაცემის რისკებს, თუ პარტიორებს შორის არსებობს ახლო კონტაქტი, მაგალითად, კოცნა.
„მოერიდეთ კოცნას, სახეები ერთმანეთთან არ მიიტანოთ, გეკეთოთ პირბადე, რომელიც ფარავს ცხვირსა და პირს. ყოველი სექსუალური აქტივობის შემდეგ, თვალყური მიადევნეთ თქვენსა და თქვენი პარტნიორის სიმპტომებს“, - განაცხადა თამმა.
კანადაში 1-ლი სექტემბრის მდგომარეობით, კორონავირუსით ინფიცირების 129 425 შემთხვევაა გამოვლენილი, გარდაიცვალა 9 132 პაციენტი.
