გამოცემამ "რეპორტიორები საზღვრების გარეშე" 178 ქვეყნის რეიტინგი გამოაქვეყნა თავისუფალი პრესის მიხედვით.
საქართველო პრესის თავისუფლების ინდექსის მიხედვით 178 ქვეყანას შორის მე-100, ხოლო პოსტაბჭეთა ქვეყნებს შორის მეხუთე ადგილზე იმყოფება.
პოსტსაბჭოთა სივრციდან, პრესის თავისუფლების ყველაზე მაღალი მაჩვენებელი ბალტიისპირეთის ქვეყნებს აქვთ. ყოფილი საბჭოეთის ქვეყნებს შორის პირველ ადგილზე ესტონეთია, რომელიც მთლიან მაჩვენებელში მე-9 ადგილზე იმყოფება. შემდეგ მოდიან ლიტვა და ესტონეთი, რომლებიც 178 ქვეყანას შორის 13 და 30 ადგილებზე იმყოფებიან. ჩვენს წინ, მეოთხე ადგილზე მოლდოვაა.
საქართველო პოსტსაბჭოთა სივცრეში მეხუთე ადგილზეა. ერთი პოზიციით უკან დგას სომხეთი, რუსეთს კი 15 ქვეყანას შორის მხოლოდ მერვე ადგილი უკავია. მასზე ერთი პოზიციით წინაა უკრაინა, რომელმაც 2009 წლის შემდეგ ეს მონაცემი საგრძნობლად გაიუარესა. რუსეთის შემდეგ მოდიან აზერბაიჯანი, ბელარუსი და სხვა ყოფილი საბჭოთა ქვეყნები.
საქართველო 2009 წელს ყოფილ საბჭოთა კავშირის ქვეყნებში შორის მეოთხე ადგილზე იმყოფებოდა. ამ ქვეყნებში ერთი ადგილით, ხოლო მთლიანობაში 19 ადგილით უკან დაიხია პრესის თავისუფლების ინდექსმა საქართველოში.
რეიტინგი შედგენისას მოქმედებდა შემდეგი კრიტერიუმები: ფსიგოლოგიური ძალადობა ჟურნალისტებზე; ჟურნალისტების მკვლელობების რაოდენობა, ჟურნალისტებზე დამუქრების რაოდენობა და ხელისუფლების პირების ჩარევა პრესაში; ირიბი მუქარები, შეწუხება, ინფორმაციის ხელმისაწვდომობა; ცენზურა; მედიის კონტროლი სხვადასხვა უწყებების მხრიდან; სასამართლოზე, ბიზნესზე და ადმინისტრაციულ ერთეულებზე ზეწოლა და ინტერნეტ და ახალი მედიების თავისუფლება.