ქვეყნის მასშტაბით არსებული პროფსასწავლებლების რეორგანიზაცია 2011 წლის ბოლომდე დასრულდება. როგორც დღეს მთავრობის სხდომაზე საქართველოს პრემიერ-მინსიტრმა ნიკა გილაურმა განაცხადა, განათლების მინისტრთან ერთად შემუშავებულია პროექტი, რომლის მიხედვითაც პროფსასწავლებლებს სახელი შეეცვლებათ და დაერქმევათ "პროფესიული სწავლების კოლეჯები".
"ქვეყნის მასშტაბით 25 პროფესიული სწავლების კოლეჯი გვაქვს, საიდანაც 2/3 უკვე რეაბილიტირებულია, ხოლო დარჩენილი 1/3-ის რეაბილიტაცია მომავალი სწლის ბოლომდე დასრულდება. რეალურად ეს არის ადგილები, სადაც შეიძლება კონკრეტული პროფესიის დაუფლება, რათა შემდგომ ადამიანებს სამუშაოს პოვნა გაუადვილდეთ. სასწავლებლებს მჭიდრო კავშირი ექნებათ კერძო სექტორთან", - განაცხადა გილაურმა.
მისივე განმარტებით, სასწავლებელებლებს კერძო სექტორიდან იფორმაცია მიეწოდებათ თუ რა პროფესიაზეა მოთხოვნა და შესაბამისად სასწავლებლებს ექნებათ ინფორმაცია თუ რა ვაკანსიები არსებობს კერძო სექტორში, რათა სამომავლოდ პროფესიული სწავლების კოლეჯების კურსდამთავრებულები იქ დასაქმდნენ.
"ჩვენ ვმუშაობთ ე.წ. ბუფერული პარტნიორებისთვის ხელშეკრიელბს დადებაზე. ამ დროისათვის, ფაქტობრივად, დასრულებულია საფრანგეთთან დასადები ხელშეკრულების პროექტზე მუშაობა, რომელიც ქართულ მხარესთან უახლოეს კვირეებში გაფორმდება. შესაბამისად პროფესიული სწავლების კოლეჯის კურსდამთავრებულს საშუალება ექნება სამუშაო იპოვოს და სამსახური დაიწყოს საფრანგეთში და ყველა იმ ქვეყანაში, სადაც ასეთი ხელშეკრულებები გაფორმდება", - განაცხადა გილაურმა.
პროფესიული სწავლების კოლეჯებში სწავლების 80 პროეცნტს სახელმწიფო დააფინანსებს. ხოლო სოციალურდა დაუცველი მოსახლეობისთვის სწავლებას 100 პროცენტით სახელმწიფო დააფინანსებს და შესაბამისად სოციალურად დაუცველი მოსახლეობისთვის კოლეჯში სწავლება უფასო იქნება.
