ამერიკელი მსახიობი, კინოფილმ Black Panther-ის ვარსვკლავი ჩედვიკ ბოუსმანი 43 წლის ასაკში სიმსივნით გარდაიცვალა.
მსახიობი გუშინ, 28 აგვისტოს ლოს ანჯელესში, ოჯახის წევრების გარემოცვაში გარდაიცვალა.
ჩედვიკ ბოუსმანს მსხვილი ნაწლავის სიმსივნის დიაგნოზი 4 წლის წინ დაუსვეს. თავისი დიაგნოზის შესახებ მსახიობს საჯაროდ არასდროს უსაუბრია.
ბოუსმანს რამდენიმე ცნობილ კინოსურათში აქვს მონაწილეობა მიღებული, თუმცა განსაკუთრებული პოპულარობა კინოკომპანია Marvel-ის კომიქსში, Black Panther/შავი პანტერა, შესრულებულმა როლმა მოუტანა, სადაც მან გამოგონილი აფრიკული ქვეყნის, ვაკანდას მმართველი განასახიერა.
