უელსის პრინცესა დიანას 60 წლის იუბილესთან დაკავშირებით ლონდონში მის ქანდაკებას დადგამენ. ინფორმაციას კენსიგტონის სასახლის განცხადებაზე დაყრდნობით BBC-ი ავრცელებს.
გავრცელებული ცნობით, პრინცესის ქანდაკების დამზადება მისმა შვილებმა კემბრიჯის ჰერცოგმა უილიამმა და სასექსის ჰერცოგმა ჰარიმ 2017 წელს შეუკვეთეს.
პრინცესა დიანას ქანდაკებას კენსინგტონის სასახლის ბაღებში 2021 წლის 1 ივლისს აღმართავენ.
კენსინგტონის სასახლის განცხადებით, ქანდაკების დადგმა უფრო ადრე იყო განზრახული, თუმცა ამას კორონავირუსის პანდემიამ ხელი შეუშალა.
უელსის პრინცესა 23 წლის წინ, 1997 წელს 36 წლის ასაკში ტრაგიკულად, ავტოკატასტროფაში დაიღუპა.
ფოტო: AP
