ქობულეთში, ერთ-ერთი სააფთიაქო ქსელის რამდენიმე თანამშრომელს და აფთიაქის მენეჯერს კორონავირუსი დაუდასტურდა. აჭარის საზოგადოებრივი მაუწყებლის ინფორმაციით, აფთიაქის თანამშრომლების ნაწილი საკარანტინო სივრცეშია გადაყვანილი, ნაწილი კი კოვიდ მიმღებ კლინიკებში მკურნალობენ. აფთიაქი ჩვეულ რეჟიმში განაგრძობს მუშაობას.
ადგილზე რამდენიმე დღის წინათ ეპიდემიოლოგები იმყოფებოდნენ. ყველა თანამშრომელს ჩაუტარდა ტესტირება.
