გავლენიანი ბრიტანული გამოცემის The Times-ის ცნობით, შესაძლოა, ჯანმრთელობის მდგომარეობის გამო დიდი ბრიტანეთის პრემიერ-მინისტრმა, ბორის ჯონსონმა თანამდებობა დატოვოს.
გამოცემის ცნობით, რომელიც თავის მხრივ წყაროს ეყრდნობა, კორონავირუსით ინფიცირების შემდეგ ჯონსონს ჯანმრთელობა შეერყა.
წყარო, რომელიც ჯონსონის მრჩევლის სიმამრია, აცხადებს, რომ ბორის ჯონსონი ჯერ კიდევ ებრძვის კორონავირუსის შედეგებს და მომავალი წლის დასაწყისში თანამდებობის დატოვებას გეგმავს.
ჯონსონის მიერ თანამდებობის შესაძლო დატოვების საკითხით სააგენტო Bloomberg-იც დაინტერესდა, რომელმაც შეკითხვით მიმართა პრემიერ-მინისტრის ადმინისტრაციას, თუმცა მას კომენტარზე უარი უთხრეს.
კიდევ ერთი გამოცემა Business Insider-ი იუწყება, რომ ჯონსონის გადადგომის შესახებ მოარულ ხმებს დაუნინგ სტრიტზე "სრული სისულელე" უწოდეს.
ბორის ჯონსონი კორონავირუსით აპრილში დაინფიცირდა. თავდაპირველად, მას დაავადება რთულ ფორმებში განუვითარდა და რამდენიმე დღე ფილტვის ხელოვნურ აპარატზე იყო მიერთებული.
