ტურისტული კომპანია Traveler.ge, რომელიც ტრაგიკული შედეგებით დასრულებული შატილის ტურის ორგანიზატორია, აცხადებს, რომ სრულად თანამშრომლობს გამოძიებესთან, რათა დადგინდეს ავტოკატასტროფის გამომწვევი მიზეზები.
ამავე დროს, კომპანია ღრმა მწუხარებას გამოთქვამს მომხდარის გამო და თანაგრძნობას უცხადებს დაღუპულთა ოჯახებს.
"უდიდეს მწუხარებას გამოვთქვამთ ხევსურეთის გზაზე მომხდარი მძიმე ტრაგედიის გამო, განუზომელია სევდა რომელსაც ჩვენი გუნდი განვიცდით. ვუსამძიმრებთ გარდაცვლილთა ოჯახებს, ახლობლებს, მეგობრებს, სრულიად საქართველოს.
ამ მძიმე დროს უფალს ვევედრებით რომ გარდაცვლილთა სულების მოსახსენიებლად და გვჯერა გადარჩენილი მგზავრები მალე გამოჯანმრთელდებიან.
ჩვენი მხრიდან სრულად ვთანამშრომლობთ გამოძიებასთან და ყველა დეტალს მივაწვდით საგამოძიებო უწყებას რაც კი ხელთ გვაქვს რათა დადგინდეს ტრაგედიის მიზეზი", - იუწყებიან კომპანიის მესვეურნი.
შეგახსენებთ, გუშინ, შატილიდან თბილისს მომავალი მიკროავტობუსი 80 მეტრის სიმაღლიდან გადავარდა. შემთხვევის შედეგად ადგილზე დაიღუპა მიკროავტობუსის 17 მგზავრი, ხოლო 3 მძიმედ დაშავდა.
