თბილისის განვითარების ფონდი პროექტ „ახალი ტფილისის ფარგლებში“, ჩუღურეთის რაიონში, წინამძღვრიშვილის ქ. N1-ში მდებარე საცხოვრებელი სახლის სარეაბილიტაციო სამუშაოებს ახორციელებს.
თბილისის ისტორიულ ნაწილში მდებარე შენობა კულტურული მემკვიდრეობის ძეგლის სტატუსს ატარებს.
ამ ეტაპზე მიმდინარეობს სადემონტაჟო სამუშაოები, სამშენებლო ნარჩენების გატანა, შენობის კონსტრუქციული გამაგრების სამუშაოები (ღიობების მოჩარჩოება, საძირკველის გაძლიერება ) ,საღებავის ფენისგან ფასადის დეკორატიული დეტალების გაწმენდა, დაზიანებული კარნიზების რესტავრაცია/აღდგენა, სახურავის დაზიანებული ხის კონსტრუქციის შეცვლა.
თბილისის განვითარების ფონდმა ინდივიდუალური ძეგლების რეაბილიტაციის პროგრამის ფარგლებში, წინამძღვრიშვილის N1-ში სამუშაოები 2019 წლის გაზაფხულზე დაიწყო და 2021 წლის ბოლომდე დაასრულებს.
სარეაბილიტაციო სამუშაოებისთვის დედაქალაქის ბიუჯეტიდან 6 657 000 ლარია გამოყოფილი.
რეაბილიტაციის დასრულების შემდეგ, წინამძღვრიშვილის ქუჩაზე მცხოვრებ 90-მდე ბინათმესაკუთრეს საცხოვრებელი პირობები გაუუმჯობესდება, ხოლო თბილისს ტურისტულ მარშრუტზე კიდევ ერთი აღდგენილი და განახლებული შენობა შეემატება.
