ავსტრიამ რუსი დიპლომატი გააძევა. ინფორმაცია თავდაპირველად ავსტრიულმა გამოცემამ გაავრცელა.
მოგვიანებით, რუსულმა სააგენტომ Tass-მა მოიპოვა ავსტრიის საგარეო საქმეთა სამინისტროს კომენტარი, სადაც ნათქვამია, რომ რუსი დიპლომატის ქმედებები ეწინააღმდეგება ვენის კონვენციას დიპლომატიური ურთიერთობების შესახებ.
რუსეთის საგარეო საქმეთა სამინისტროს რუსი დიპლომატის გაძევებასთან დაკავშირებით კომენტარი არ გაუკეთებია.
ორშაბათს, ავსტრიულმა გამოცემამ Kronen Zeitung-მა გაავრცელა ცნობა, რომ ავსტრიამ პირველად ისტორიაში რუსი დიპლომატი პერსონა ნონ გრატად გამოაცხადა, რომელმაც უნდა დატოვოს ქვეყნის ტერიტორია 1 სექტემბრამდე.
გამოცემის ცნობით, დიპლომატი ეჭვმიტანილია სამრეწველო ჯაშუშობაში.
რუსი დიპლომატია ეჭვმიტანილი ავსტრიის მოქალაქის მეშვეობით ავსტრიის ერთ-ერთ მაღალტექნოლოგიურ საწარმოში ინფორმაციის შეგროვებაში.
გამოცემის ინფორმაციით, მანამდე ჯაშუშობა აღიარა ავსტრიის მოქალაქემ და რუსი დიპლომატი ჯაშუშურ საქმიანობაში თავის კურატორად დაასახელა. რუსმა დიპლომატმა უარი თქვა ჩვენების მიცემაზე.