საქართველოს პრემიერ-მინისტრი გიორგი გახარია მწუხარებას გამოთქვამს შატილის გზაზე, სოფელ ბისოსთან მომხდარი ავტოსაგზაო შემთხვევის გამო.
"უდიდეს მწუხარებას გამოვთქვამ შატილის გზაზე მომხდარი შემზარავი ტრაგედიის გამო, რომელსაც ჩვენი მოქალაქეების სიცოცხლე ემსხვერპლა, არიან დაშავებულები. თანავუგრძნობ დაღუპულების ოჯახებს და ახლობლებს.
ინტენსიურად მიმდინარეობს სამძებრო-სამაშველო ღონისძიებები. ჩვენი ექიმები თავდაუზოგავად იბრძვიან დაშავებულების სიცოცხლისთვის და იმედს გამოვთქვამ, რომ შევძლებთ მათ გადარჩენას", - აცხადებს გახარია.
შეგახსენებთ, შატილის გზაზე 80 მეტრის სიმაღლიდან მიკროავტობუსი გადავარდა - გარდაიცვალა 12 ადამიანი.
