მსოფლიო პატრიარქი ბართოლომეს პირველი საკვირაო წირვის დასრულების შემდეგ, ქადაგებისას თურქეთის ხელისუფლების მიერ აია სოფიასა და ხორას მონასტრის მეჩეთად გადაკეთებას გამოეხმაურა.
მსოფლიო პატრიარქის თქმით, ამ უძველესი ქრისტიანული ძეგლების მეჩეთად გადაკეთება მტკივნეული გადაწყვეტილებაა.
"ფაქტია, რომ აია სოფიასა და ახლა ხორას მონასტრის მეჩეთად გადაკეთებამ ტკივილი მიგვაყენა. სტამბოლში მდებარე ეს ორი უნიკალური ძეგლი, რომლებიც ქრისტიანულ ტაძრებად აშენდა, ასახავდნენ ღვთის სიტყვის ჭეშმარიტებას, მსოფლიო მხსნელის მშვენიერებას. გამოხატავენ ჩვენი რწმენის უნივერსალურ სულიერებას, სიყვარულსა და მარადისობის იმედს. ამ ტაძრების მოზაიკები და ხატები - სულისთვის სამოთხის საკვებია და უსასრულო სიხარულია",- თქვა მსოფლიო პატრიარქმა.
შეგახსენებთ, თურქეთის პრეზიდენტის რეჯებ ტაიპ ერდოღანი გადაწყვეტილებით, სტამბოლში მდებარე უძველესი ბიზანტიური, მართლმადიდებლური ხორას მონასტერი მეჩეთად გადაკეთდა.
მანამდე, ერდოღანისვე განკარგულებით, მეჩეთად გადაკეთდა აია სოფია.
