უკრაინის პრეზიდენტი ვოლოდიმირ ზელენსკი თვლის, რომ ბელარუსის მოქმედმა პრეზიდენტმა, ალიაქსანდრ ლუკაშენკამ განმეორებითი საპრეზიდენტო არჩევნები მოკლე დროში უნდა გამართოს.
"როგორ შეიძლება ყველას დამშვიდება? მე ვიტყოდი, რომ ერთ თვეში განმორებით არჩევნები ჩატარდება. და მოვემზადებოდი ახალი არჩევნებისთვის", - განაცხადა ზელენსკიმ Euronews-თან ინტერვიუში.
ზელენსკის თქმით, ის ასევე მოიწვევა საერთაშორისო დამკვირვებლებს საარჩევნო პროცესის მონიტორინგისთვის.
დაახლოებით ორი კვირაა ბელარუსში გრძელდება მასობრივი პროტესტი საპრეზიდენტო არჩევნების შედეგების წინააღმდეგ, რომელშიც გამარჯვებული გამოცხადდა ამჟამინდელი სახელმწიფოს მეთაური ალიაქსანდრ ლუკაშენკა, რომელიც ამ თანამდებობას 1994 წლიდან იკავებს.
არჩევნები 9 აგვისტოს გაიმართა. ცესკოს მიერ დამტკიცებული შედეგების თანახმად, ამომრჩეველთა 80.1% -მა ხმა მისცა ლუკაშენკას, 10.12% - მის მთავარ მოწინააღმდეგეს სვიატლანა ციხანოუსკაიას.
