შეერთებული შტატების პრეზიდენტის, დონალდ ტრამპის ყოფილი მრჩეველი სტივ ბენონი დააპატიმრეს. ინფორმაციას Financial Times-ი ავრცელებს.
როგორც იუწყებიან სტივ ბენონი აშშ-მექსიკის საზღვარზე კედლის ასაშენებლად საინფორმაციო კამპანიის დროს დიდძალი თანხის თაღლითურად მითვისების ბრალდებით დააპატიმრეს.
ნიუ იორკის შტატის პროკურორების განცხადებით, სტივ ბენონმა და კიდევ რამდენიმე პირმა შექმნეს თაღლითური სქემა, რომელიც შენიღბეს საინფორმაციო კამპანიით "ვაშენებთ კედელს". ამ კამპანიის მიზანი იყო აშშ-მექსიკის საზღვარზე კედლის ასაშენებლად ინტერნეტში დონორების მოზიდვა და მათთვის თანხების გამოძალვა.
საბოლოო ჯამში თაღლითური სქემის მესვეურებმა ამ კამპანიის მეშვეობით 25 მლნ დოლარს მოუყარეს თავი.
იუწყებიან, რომ სავარაუდოდ ასეულობით ათასი პირია მოტყუებული, რომელმაც თანხა გაიღო კედლის მშენებლობის დასაფინანსებლად.
კამპანიის ორგანიზატორები არწმუნებდნენ დონორებს, რომ მათ მიერ გაღებული თითოეული ცენტი კედლის აშენებას მოხმარდებოდა.
ბრალდების დოკუმენტში ნათქვამია, რომ სტივ ბენონმა და მისმა თანამზრახველებმა გააყალბეს საბანკო ანგარიშები და დონორებთან გაფორმებული შეთანხმებები.
სტივ ბენონი დონალდ ტრამპის მრჩეველი მისი გაპრეზიდენტების შემდეგ გახდა და თანამდებობიდან 2017 წელს გაათავისუფლეს.
ფოტო: Reuters