ბატონი ბიძინას სიქველე ყოველთვის განსაკუთრებული თავმდაბლობით გამოირჩეოდა და ის ყოველთვის გაურბოდა ოვაციებს და აპლოდისმენტებს მის მიერ გაკეთებული ზღვა სიკეთის მიმართ. წერს სოციალურ ქსელში საპარლამენტო უმრავლესობის წევრი, დავით მათიკაშვილი.
"ბატონ ბიძინა ივანიშვილის და მისი ოჯახის მხრიდან, რამოდენიმე ათწლეულის მანძილზე სისტემატიურად განხორციელებულ უპრეცედენტო ქველმოქმედებას იმდენად მიეჩვია ჩვენი საზოგადოება, რომ საპატრიარქოს მიერ გავრცელებული ინფორმაცია აბასთუმანში მაცხოვრის ფერისცვალების ტაძრის მშენებლობის შესახებ, რომელსაც ბატონი ბიძინა ივანიშვილის ოჯახი სრულად დააფინანსებს, ერთგვარ რუტინულ ნიუსადაც კი ჟღერს. ბატონი ბიძინას სიქველე ყოველთვის განსაკუთრებული თავმდაბლობით გამოირჩეოდა და ის ყოველთვის გაურბოდა ოვაციებს და აპლოდისმენტებს მის მიერ გაკეთებული ზღვა სიკეთის მიმართ.
თუმცა ერთია საკუთარ ერზე და ქვეყანაზე უზომოდ შეყვარებული და მოამაგე ქველმოქმედის შესაშური თავმდაბლობა და მეორეა საზოგადოების მიერ ამ ყველაფრის სწორად გაანალიზება და აღქმა. ერთს ვიტყვი მხოლოდ: როგორც, თითქოს რუტინულადაც ჟღერს, დღეს, ბატონი ბიძინა ივანიშვილის და მისი ოჯახის თითქმის ყოველდღიურად ნაკეთებ კეთილ საქმეთა შესახებ ცნობები (სადაც ეკლესია-მონასტრების, კულტურული მემკვიდრეობის სხვა ძეგლების, ულამაზესი პარკების და დარბაზების, ინსტიტუტების და უნივერსიტეტების და ცალკეულ შემთხვევებში ქალაქებისაც კი მშენებლობა -რეაბილიტაცია, მხოლოდ მცირე ჩამონათვალია) ასევე, რუტინულად ჟღერდა ნაცილონალური მოძრაობის კრიმინალი თავკაცები მიერ ეკლესია მონასტრების ნგრევის, ტელევიზიების დარბევისა და მიტაცების, ცალკეული ოჯახების სრულად ლიკვიდაციის, მშობლიური მიწა-წყლის ოკუპანტისთვის ჩაბარების და კიდევ ვინ მოთვლის რამდენი სიბოროტის შესახებ ინფორმაციები.
ეს არ უნდა დაავიწყდეს ჩვენს საზოგადოებას და ჩვენი ქვეყნის უახლესი ისტორიიდან სწორი დასკვნები უნდა გამოიტანოს", - აცხადებს მათიკაშვილი.
დავით მათიკაშვილი ამ განცადებით ეხმიანება ცნობას იმასთან დაკავშირებით, რომ აბასთუმნის დედათა მონასტრის ეზოში ფერისცვალების ტაძრის მშენებლობას ბიძინა ივანიშვილი დააფინანსებს.
