ნაციონალური მოძრაობის ერთ-ერთი ლიდერი და ოპოზიციის ერთიანი კანდიდატი გლდანის მაჟორიტარულ ოლქში ნიკა მელია აცხადებს, რომ არჩევნებში გამარჯვებაში დარმწუნებულია.
მისი თქმით, ბიძინა ივანიშვილს ერთადერთი შანსი აქვს დარჩენილი, მოიპაროს არჩევნები, რასაც ოპოზიცია არ დაუშვებს.
მე პირადად ან მკვდარს გამომიტანთ გლდანის რაიონიდან, ან ქართული ოცნების არცერთ აქტივისტს, პოლიციის უფროსს, თუ პროკურორს, არ მივცემ იმის შესაძლებლობას, რომ არჩევნები გააყალბოს.
გლდანის რაიონში, მთელი ოპოზიციური სპექტრის მხარდაჭერით დამაჯერებლად მოვიგებ პირველივე ტურში და ერთდერთი შანსი ბიძინა ივანიშვილის დარჩენილი აქვს- უნდა მოიპაროს და ამას ნამდვილად არ დავუშვებ. საკუთარი სიცოცხლის ფასადაც დავიცავ ნებისმიერ ადამიანს და ნებისმიერ ხმას და ეს ძალიან კარგად იცის ქართულმა ოცნებამ. იგივეს გააკეთებს ყველა ოპოზიციური კანდიდატი...არჩევნებამდე აღიარებს ბიძინა ივანიშვილი მარცხს" ამბობს ნიკა მელია "მთავარი არხის" ეთერში, გადაცემა "დღის სტუმარში" საუბრისას.
