საზოგადოებრივი მაუწყებლის ყოფილი გენერალური დირექტორი, ვასილ მაღლაფერიძე ირწმუნება, რომ პოლიტიკაში წასვლას არ გეგმავს.
მისივე განცხადებით, ის საზოგადოებრივი მაუწყებლის პროექტ "ტელესკოლაში" განაგრძობს მუშაობას.
"ყველანაირი შეთქმულების თეორია გამორიცხეთ. ერთადერთი რაზეც მუშაობას გავაგრძელებ, რაც ჩემთვის საპატიოა და სადაც ჩემი პროფესიის დიდი ნაწილი გავატარე ტელესკოლაში მასწავლებლობაა. მაქვს ორი პროექტი, ერთი სხვასთან ერთად, ეს არის საგანმანათლებლო პროექტები და ამას იანვრამდე გავაკეთებ. ამის შემდეგ კი შევხედოთ როგორც იქნება,"- განაცხადა ვასილ მაღლაფერიძემ.
შეგახსენებთ, ვასილ მაღლაფერიძემ თანამდებობიდან წასვლის შესახებ განცხადება დღეს გაავრცელა. საზოგადოებრივი მაუწყებლის გენერალური დირექტორის მოვალეობას დროებით, გენერალური დირექტორის მოადგილე თინათინ ბერძენიშვილი შეასრულებს.
