ბელარუსის დედაქალ მინსკის ქუჩებში, პრეზიდენტ ალიაქსანდრ ლუკაშენკას წინააღმდეგ, ათობით ათასი ადამიანო გამოვიდა.
საპროტესტო აქციები მიმდინარეობს ბელარუსის სხვა ქალაქებშიც.
როგორც იუწყებიან, მინსკის ქუჩებში დაახლოებით 200 ათასმა ადამიანმა მოიყარა თავი.
თვითმხილველები ირწმუნებიან, რომ ასეთი ხალხმრავალი და ფართომასშტაბიანი თავყრილობა მინსკში არასდროს უნახავთ.
საპროტესტო აქციის მონაწილეებმა გასულ დღეებში სამართალდამცავების მიერ დაშავებული ადამიანების ფოტოები მიიტანეს.
დემონსტრანტები ლუკაშენკას გადადგომისკენ მოუწოდებენ.
მანამდე, მინსკის ცენტრში, დამოუკიდებლობის მოედანზე გაიმართა ლუკაშენკას მხარდამჭერი აქცია. სამთავრობო აქციაზე სიტყვით ლუკაშენკაც გამოვიდა, რომელმაც კიდევ ერთხელ ხაზგასმით აღნიშნა, რომ არ აპირებს განმეორებითი არჩევნების ჩატარებას, როგორც ამას დასავლეთი მოითხოვს.
ბელარუსის შინაგან საქმეთა სამინისტროს ინფორმაციით, სამთავრობო აქციას 65 ათასი ადამიანი ესწრებოდა.
