მეორე დღეა, ურეკში მაშველები ახალგაზრდა მამაკაცს ეძებენ.
საგანგებო სიტუაციების მართვის სამსახურის ინფორმაციით, გუშინ, 15 აგვისტოს მიიღეს შეტყობინება, რომ ზღვაზე ორ ახალგაზრდა მამაკაცს შველა ესაჭიროებოდა.
მათივე ინფორმაციით, ერთ-ერთი ახალგაზრდის ზღვიდან გამოყვანა მოხერხდა, მეორე კი - გაუჩინარდა.
ზღვაში მიმდინარე საძიებო სამუშაოებში 17 მაშველი და მყვინთავი მონაწილეობს. ძიების პროცესში ჩართულია მცურავი საშუალებებიც.
