საპარლამენტო უმრავლესობის წევრი, გარემოს დაცვისა და ბუნებრივი რესურსების კომიტეტის თავმჯდომარე ნინო წილოსანი აცხადებს, რომ სახელმწიფოს კრიმინალთან დაკავშირებით ყოველთვის სათანადო რეაგირება აქვს.
"სურათი, რაც ზოგადად უნდათ ჩვენს ოპონენტებს, რომ დახატონ კრიმინოგენურ სიტუაციასთან დაკავშირებით, რა თქმა უნდა არ შეესაბამება სიმართლეს. აქ ერთადერთი სწორი პასუხი არის ის, რომ სახელმწიფოს აქვს ყოველთვის სათანადო რეაგირება", - განუცხადა "ტვ პირველს" ნინო წილოსანმა.
მანამდე საქართველოს პრეზიდენტმა, სალომე ზურაბიშვილმა განაცხადა, რომ "საქართველოში კრიმინალური მდგომარეობა არ არის ისეთი მძიმე, როგორც ზოგ ტელევიზიას უნდა, რომ აჩვენოს".