ე.წ "ოცნების ქალაქის" პროექტის განხორციელება აქტიურად მიმდინარეობს.
ამ ეტაპზე სამშენებლო ტერიტორიაზე სამი 12 სართულიანი საცხოვრებელი ბინების მშენებლობა ხორციელდება. სამუშაოები პანდემიის დროსაც, შესაბამისი რეკომენდაციების დაცვით, უწყვეტად მიმდინარეობს. სამუშაო პროცესში დაახლოებით 120 ადამიანია დასაქმებული.
"ოცნების ქალაქში" საერთაშორისო ორგანიზაცია Unicef-ის და წითელი ჯვარის წარმომადგენლები, აჭარის ფინანსთა და ეკონომიკის მინისტრის პირველ მოადგილე თორნიკე კუჭავასთან და აჭარის ჯანდაცვის მინისტრის პირველ მოადგილე რამაზ ჯინჭარაძესთან ერთად იმყოფებოდნენ. UNICEF, წითელი ჯვარი და საქართველოს სახალხო დამცველის აპარატი აჭარის სამთავრობო კომისიის მუშაობაში მონაწილეობს. აღნიშნული კომისია "ოცნების ქალაქის" მოსახლეობისთვის ბინების გადასაცემად საჭირო კრიტერიუმებზე მუშაობს.
აჭარის მთავრობამ ე. წ ოცნების ქალაქის ტერიტორიაზე საცხოვრებელი სახლების მშენებლობის გადაწყვეტილება, იქ არსებული მძიმე სოციალური და შეუსაბამო საცხოვრებელი პირობების გამო მიიღო.
