საქართველოს პრეზიდენტი სალომე ზურაბიშვილი ლიბანის დედაქალაქ ბეირუთში მომხდარ აფეთქებას ეხმიანება და მომხდარის გამო მწუხარებას გამოთქვამს.
"ღრმა მწუხარებას გამოვთქვამ ბეირუთში მომხდარი შოკისმომგვრელი აფეთქების გამო. მომხდარის დეტალები, დაშავებულთა რაოდენობა ჯერჯერობით უცნობია. ნამდვილად ვწუხვარ იმის გამო, რაც მოხდა. დაღუპულთა სულებისა და მათი ოჯახებისთვის ვლოცულობ", - დაწერა სალომე ზურაბიშვილმა Twitter-ზე.
ლიბანის დედაქალაქ ბეირუთის პორტთან ძლიერი აფეთქება მოხდა. ინციდენტის ადგილიდან რამდენიმე კილომეტრის რადიუსში დაზიანდა სახლები. ადგილობრივი მედიის ცნობით დაღუპულია სულ მცირე ათი ადამიანი. დაშავებულია ასობით პირი.
ლიბანის ნაციონალური საინფორმაციო სააგენტოს ინფორმაციით, ძლიერი აფეთქება პიროტექნიკის საწყობში მოხდა.
