ეგვიპტემ მილიარდერი ილონ მასკი მიიწვია, რათა საკუთარი თვალით ნახოს და დარწმუნდეს, რომ პირამიდები უცხოპლანეტელთა მიერ არ არის აშენებული.
მანამდე SpaceX-ის დამფუძნებელმა, ილონ მასკმა მიკრობლოგ „ტვიტერზე“ დაწერა, რომ ეგვიპტის პირამიდები უცხოპლანეტელებმა ააშენეს.
ილონ მასკის პოსტს „ტვიტერზე“ ეგვიპტის საერთაშორისო თანამშრომლობის მინისტრი გამოეხმაურა.
მისი თქმით, თუ მასკი ეგვიპტეს ეწვევა და პირამიდის სამარხებს ნახავს, დარწმუნდება, რომ ისინი ადამიანების მიერ არის აშენებული.
მასკის განცადებას არქეოლოგებიც გამოეხმაურნენ და აღნიშნეს, რომ სამარხები და მათი სტრუქტურა ცხადჰყოფენ, რომ ისინი დანამდვილებით ძველი ეგვიპტელების მიერ არის აშენებული.
ეგვიპტელმა არქეოლოგმა ზაჰი ჰავასმა მასკის განცხადებას, „სრულიად ჰალუცინაციური“ უწოდა.