დღეს, ევროკავშირის საბჭო შეთანხმდა, რომ დაწესდება ინდივიდუალური სანქციები რუსეთის, ჩინეთისა და ჩრდილოეთ კორეის მოქალაქეებისა და ორგანიზაციების მიმართ იმ კიბერ შეტევებისთვის, რომლებიც საფრთხეს უქმნის ევროკავშირსა და მის წევრ სახელმწიფოებს.
სანქციები, რომლებიც აქტივების გაყინვასა და ევროკავშირში მოგზაურობის აკრძალვას მოიცავს, ექვს პირს დაუწესდება, რომელთა შორის ოთხი რუსეთის მოქალაქეა, ორი ჩინეთის მოქალაქე და სამი ორგანიზაცია რუსეთიდან, ჩინეთიდან და ჩრდილოეთ კორეიდან.
ევროკავშირის საბჭოს მიერ გავრცელებულ განცხადებაში ნათქვამია, რომ ქიმიური იარაღის აკრძალვის ორგანიზაციაზე განხორციელებული კიბერშეტევის უკან სწორედ ეს პირები და ორგანიზაციები იდგნენ.
განცხადებაში ასევე აღნიშნულია WannaCry-ისა და NotPetya-ის სახელით ცნობილი კიბერშეტევები, ასევე ოპერაცია Cloud Hopper-ი, რაზედაც პასუხისმგებლობა სწორედ სანქცირებულებს ეკისრებათ.
საგულისხმობა, რომ სანქცირებულთა შორის მოხვდა რუსეთის შეიარაღებული ძალების გენერალური შტაბის სპეცტექნოლოგიების მთავარი ცენტრი.
